Кыргыз-араб соодасы: негизинен бал сатылууда

Кыргызстанда Бириккен Араб Эмираттардын (БАЭ) бир катар ири компанияларынын жетекчилери иш сапар менен келип кетти. Алар Кыргызстанга энергетика тармагында инвестиция салары кабарланды. Бул ортодо президент Садыр Жапаров жакын арада эмираттарга барары айтылды. Тараптар эки өлкөнүн ортосундагы соода-экономикалык кызматташууну өркүндөтүү жөнүндө сүйлөшүүлөрдү жүргүзөрү маалымдалууда. “Азаттык” ушуга байланыштуу Кыргызстандын араб өлкөлөрү, анын ичинде Бириккен Араб Эмираттары менен соода жүгүртүүсүн талдады.